11. edizioak baditu bere hamar finalistak!

Hauek dira aurtengo Sail Ofizialerako aukeratutako hamar film laburrak:

  • Lisbeth (Aitor Bereziartua) 13’ 52’’
  • Kreba (Oier Fuentes) 11’ 31’’
  • Tarde para el recreo (Pablo Malo) 21’ 24’’
  • Versus (Demetrio Elorz) 8’ 32’’
  • La Petite Mort (Ana Gonzalez Telleria eta Andrea Landaluce Florido) 4’ 23’’
  • Euritan (Irati Gorostidi eta Arantza Santesteban) 20’ 35’’
  • Plagan (Koldo Almandoz) 9’ 58’’
  • Areka (Atxur Animazio Taldea) 6’ 35’’
  • Aprieta pero raramente ahoga (David Pérez Sañudo) 15’
  • Zulo (Amancay Gaztañaga eta Erika Olaizola) 14’

Makina bat lan jaso ditugu sail ofizialean eta, urtero bezala, zaila egin zaigu hamar finalistak hautatzea.

Hautaketan Euskal Herrian azken urtean egindako lan sorta anitza bildu nahi izan dugu. Eskarmentuzko zuzendarien lanak eta hasiberrien filmak, emakumezko eta gizonezko egileen proposamenak, fikziozko filmak, dokumentalak, dialogo gabeko filmak, animaziozko lan bat….

Martxoak 23an Aretxabaletako Arkupe aretoan egingo den sari banaketa ekitaldian sari nagusiak banatuko dira: 10 finalistetako bakoitzari 200 euro, Goiena Saria (1.000 euro euskarazko film onenari), Vertigo Saria (400 euro), Ikusleen Saria (300 euro) eta Mundukide Saria (700 euro hiru sailetan aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onenari).

Ez galdu lan hauek pantaila handian ikusteko aukera! Hamar film labur hauek martxoaren 23an proiektatuko ditugu Aretxabaletako zineman eta filmen egile gehienak eta beste hainbat gonbidatu bertan izango dira Huhezinema jaialdiaren 11. edizioari itxiera ezin hobea emateko.

 

This slideshow requires JavaScript.

 

Advertisements

Huhezinemako 11. edizioaren kartela

Huhezinemako 11. ediziorako kartel lehiaketaren irabazlea Marina García Fernandez da.
Mila esker aurtengo kartel lehiaketan parte hartu duzuen orori, espero baino kartel gehiago jaso ditugu, 53 izan dira, eta zaila izan da erabakia hartzea.
Gogoratu jaialdia Martxoaren 21etik 23ra bitartean izango dela, eta  gonbidatzen zaituztegu  ekitaldira gerturatzeko eta disfrutatzeko.
Ikusteko jaioak gara

Argazki Onenaren sari berria

Tecnicos_slider1

Zarautzeko Ogeita4 Camera Solution enpresako lagunekin kolaborazioa mantentzen dugu hirugarren urtez. Zinema, publizitatea eta telebistan ibilbide oparoa eta luzea duen enpresa da Ogeita4. Era guztietako ekoizpenetan kamera beharrak betetzeko sortu zen eta zinema kamera digitalen alokairua, garraioa, filmaketarako logistika eta kamera-teknikariak eskaintzen dute.

Parte hartu duten lan batzuk aipatzeagatik, Handia, Loreak, Lasa eta Zabala, Urte berri on amona, Aupa Etxebeste, Lucio eta Cronocrímenes luzeak edo El bosque negro, Cólera, Zarautzen erosi zuen edo Hubert LeBlonen azken hegaldia film laburrak.

Loreak

Ogeita4 enpresako Jon Sangroniz eta Javi Agirre, “Loreak” filmaren grabaketan.

Aurtengoan sari berri bat sortu dugu Mondragon Unibertsitateko Ikasleen sailean, eta aurkeztutako lanen artean epaimahai ofizialak emango dituen Fikzio Onena eta Dokumental Onenaren sariei Argazki Onenaren sari berri hau gehituko zaio. Sari hau Ogeita4 enpresak eskainiko du, 1.500 eurotan baloratutako kamera ekipamendu profesionala irabazlearen eskutan jarriz, beste euskarazko film labur bat egiteko.

Sari horri esker egindako film labur berri hori, 2019ko Huhezinema jaialdian aurkeztuko du lantaldeak. Irrikitan gaude jada sari honen emaitzak ikusteko!!!

Ez ahaztu, filmak aurkezteko azken eguna, otsailaren 9a da.

11. Huhezineman film laburrak aurkezteko epea irekita!

Aurtengo berrikuntza nagusiak, Mundukide saria eta Argazki Onenaren saria. 5.000 euro banatuko ditugu saritan!!!!

Huhezinema Euskal Film Laburren Jaialdiaren 11. edizioa egingo da 2018eko martxoaren 21etik 23ra bitartean Aretxabaletako Arkupe kultur etxean.

Jaialdiako hiru sailetan parte hartzeko oinarriak prest daude daude: Sail Ofiziala, MU Ikasleen Saila eta Kutixi Saila. Filmak bidaltzeko epea 2018eko otsailaren 9ra arte egongo da zabalik eta dagoeneko kontsulta daitezke sail bakoitzaren oinarriak Huhezinemako webgunean: www.huhezinema.com

Berrikuntzekin dator jaialdia, Mondragon Unibertsitateko Ikus-entzunezko Komunikazioko hamahiru ikaslek osatzen dute lan talde berria eta Iban del Campo irakasleak gidatuko ditu prestakuntzan, urtero bezala. Aurten 5.000€ banatuko ditugu sarietan, hiru sail desberdinetan.

Sail desberdinen oinarrietan azaltzen den bezala, edizio honetan bi berrikuntza nagusi daude, horietako bat Mundukide Saria​ dena. Aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko da honetan. Sari honen irabazleak 700 euro lortuko ditu.

Bestetik, MUko Ikasleen Sail​ean hautatutako film laburren artean Argazkigintza Onena​ sarituko da 1.500€​tan baloratutako kamera ekipamenduaren maileguarekin, Zarautzko Ogeita4 Camera Solution enpresaren eskutik.

Jasotako film labur guztien artean Aukeraketa Batzordeak 10 film labur aukeratuko ditu jaialdiaren Sail Ofiziala​ osatzeko. Hamar hauetako bakoitzak  200€ jasoko ditu hautatua izateagatik. Hamar film hauek, beste lau sari hauen lehian arituko dira:

SAIL OFIZIALA

– Goiena Saria​ ​ : 1000€ ​ ​(Epaimahai Ofizialak emango du saria): Euskarazko film onena​ sarituko da.

-Mundukide Saria:  700€  (hiru sailetan aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko du).

– Vertigo Saria​: 400€ ​(Mondragon Unibertsitateko ikasleek osatutako epaimahai batek emango du saria). Diru laguntza publikorik gabe ekoiztutako eta banatutako filma izan beharko da.

– Ikusleen Saria​: 300€

MU IKASLEEN SAILA

-Fikzio Onenaren Saria: 300 €

-Dokumental Onenaren Saria: 300 €

-Argazki Onenaren Saria: Ogeita4 enpresak 1.500€tan baloratutako kamera ekipamendua utziko dio irabazleari, euskarazko film labur bat egiteko, 2019ko Huhezineman aurkeztuko dena.

-Ikusleen Saria: 100 €

KUTIXI SAILA

-Basque Culinary Saria: 400 €

-Ikusleen saria: 100€
Ikusten duzuen bezala, Huhezinemaren hurrengo edizioa abian dago eta gose. Orain zuen txanda da, hainbeste izerdi eta ilusioarekin egindako film labur horiek bidaltzeko. Zorte on denori!

 

 

 

Laburpen hitzak , , , ,

Mundukide sari berriaren aurkezpena Huhezineman

Hitzordua 13:00ean izango da, doakoa, eta Asier Urbieta zuzendari donostiarrak hitzaldia eskainiko du.

Mundukide fundazioak Mundukide Sariaren aurkezpena egingo du asteazken honetan, abenduaren 13an, Huhezinema film laburren jaialdiarekin bat egin eta hurrengo edizioa babestuko duelako.

Ekitaldia Mondragon Unibertsitateko Aretxabaletako kanpuseko areto nagusian izango da, 13:00etatik 14:00tara. Sarrera doakoa izango da, eta edonorentzat irekia.

Mundukideko arduradunek sariaren nondik norakoak ezagutaraziko dituzte. Mundukide sariak, Huhezinema jaialdian aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko du. Jaialdiko epaimahai ofizialak emango du saria, bertan Mundukideko ordezkari bat parte hartzaile izango delarik.

Asteazkenean, Asier Urbieta zuzendari donostiarraren laguntza izango dute eta honek adibide modura film labur batzuk komentatu eta proiektatuko ditu sari berriaren adibide gisa. Horien artean; Urbietaren “Pim, Pam, Pun”, 2009ko Huhezineman saritua izan zena.

Animatu eta gerturatu asteazkenean!

pim pam.jpgpim pam pum fotograma.jpg

Kartel lehiaketa abian!

Kaixo lagunok!

Hasi gara jada 2018an ospatuko den Huhezinema jaialdia prestatzen eta, nola ez, berri mordoekin etorriko gara ibilbide horretan. Gaurkoan, zuen laguntzaren eske gatoz. Izan ere, Huhezinema Euskal Film Laburren Jaialdiak bere hamaikagarren ediziorako kartela behar du eta zuen esku utzi nahi dugu kartel lehiaketa baten bidez. Datorren urteko Huhezinema martxoaren 21, 22 eta 23an egingo da Aretxabaletako Arkupe Kultur Etxean.

Hona hemen kartel lehiaketan parte hartzeko oinarriak.

Animatu!

kartel-lehiaketa.jpg

Mondragon Unibertsitateko ikasleak Donostiako Zinemaldian epaimahaikide

Ikasturte berria hasi da eta urtero legez, Donostiako Zinemaldia ate joka dator. Eta hirugarren urtez gauzatuko da Zinemaldian baitan antolatzen den Zinema Ikasleen Nazioarteko Topaketaren eta Huhezinema jaialdiaren arteko lankidetza: hirugarren aldiz proiektatuko ditugu Huhezineman, Donostian saritutako nazioarteko ikasleen film laburrak.

Irailaren 25 eta 30 bitartean egingo da Zinema Ikasleen Nazioarteko XVI Topaketa Donostiako Zinemaldiaren baitan. Beste sari batzuez gain, Orona Saria emango da Topaketaren film labur berritzaileenari (5.000 euro). Mondragon Unibertsitateko Ikus-Entzunezko Komunikazioa graduko 5 ikaslek osatzen duten epaimahaiak izango du ardura hori, Iban del Campo irakasleak koordinaturik. Hautatutako ikasleak Andoni Imaz, Ibai Zabala, Irati Crespo, Imanol Eppherre eta Saioa Murua izan dira.

Mundu zabaleko zinema eskoletatik etorritako ikasleen topaketan epiamahikide bezala aritzea esperientzia aberasgarria izango da gure ikasleentzako. Film laburren emanaldi eta aurkezpenez gain, itzal handiko zinegilen master class eta hitzaldiekin osatuko da bost egunera luzatu den egitaraua.

Aurten proiektatuko diren film laburren eta master classen gaineko informazioa lotura honetan aurkituko duzu.

Goazen ba, nazioarteko zinema ikasleak egiten ari diren zinemarekin bidaiatzera.

 

Laburpen hitzak , , , , , ,

Huhezinemako film irabazleak Ordizian


<p><a href=”https://vimeo.com/173738655″>Beti bezperako koplak [Trailer]</a> from <a href=”https://vimeo.com/user12274024″>Kimuak</a&gt; on <a href=”https://vimeo.com”>Vimeo</a&gt;.</p>

Ekainak 15, arratsaldeko 7.30etan, Ordiziako Herri Antzokian.

Horra aurtengo hitzordua. Azken urteetan egin duguna bezala, Ordiziako Udalaren lankidetzari esker, Huhezinema 2017 jaialdiko film labur irabazleen emanaldia antolatu dugu.  Filmen emanaldiaren ondoren solasaldia ere egongo da hainbat film laburren egileekin (“Portratit” film laburreko Iñaki Tena; “Krispetak” eta “Karta Astrala” fimetako Maite Bidarte). Hauek izango dira Ordiziako pantaila erraldoian gozatu ahal izango dituzuen film laburrak:

10. Huhezinema Jaialdiko Palmaresa

Basque Culinary Saila

Ikusleen saria: WABI-SABI (Egoitz Ibargoitia)

Basque Culinary saria: Krispetak (Maite Bidarte eta Andoni Gartzia)

MU Ikasleen Saila

Ikusleen saria: Flash (Leire Goitia)

Dokumental Onenaren Saria: Trapu zaharrak (Imanol Eppherre eta Ion Garate)

Fikzio Onenaren Saria: Portrait (Iñaki Tena eta Mikel Uralde)

Sail Ofiziala

Ikusleen saria: Karta Astrala (Maite Bidarte eta Koldo Gartzia9

Vertigo saria: El Divino (Sendoa Cardoso)

Goiena Saria: Beti bezperako koplak (Ageda Kopla Taldea)  

 

 

Laburpen hitzak , , , , ,

Hamarreko amaiera urteurrenari

Arratsaldeko 16:00etan eman diogu hasiera Huhezinema Euskal Film Laburren 10.urteurrenaren azken egunari. Ikasle, zinema zale, zein zuzendari, babesle eta egileek Aretxabaletako Arkupe Aretoa bete dute eta Gaztea Irratiko esatariak diren Oihan Vega eta Oizeder Mayo arduratu dira ekialdia aurkezteaz.

Gogotsu eta umoretsu hasi dute emanaldia aurkezleek, Huhezi Fakultateak eta batez ere, Iban del Campok egiten duen lana goraipatuz. Ondoren, Sail Ofizialeko film laburren proiekzioei eman zaie hasiera: hiru blokeetan bananduz.

Lehenengo blokean honako film labur hauek izan dira protagonista: Beti Bezperako Koplak (Ageda Kopla Taldea), Jules D (Norma Vila), Caminan (Mikel Rueda) eta Karta Astrala (Koldo Gartzia eta Maite Bidarte). Film laburrak pantaila handian proiektatu baino lehen, bertaratutako zuzendari eta egileek haien lanaren aurkezpentxo bat egiteko aukera izan dute. Hala nola, Ageda Kopla Taldeko kideek haien lana Maialen Lujanbioren bertsotan oinarritutako animazioa dela. Norma Vila, Jules D-ko zuzendariak ikusleari bere lana gustatu eta hunkitzeko desira adierazi du: “Es género fantástico sobre un niño que quiere ser vampiro, espero que os guste y os emocione”. Aldi berean, Hariz Zubillaga ekoizleak eskerrak eman dizkio jaialdiari: “El corto solo tiene sentido gracias a estos festivales ya que es principalmente donde se pueden ver y llegar a la gente”.

Bigarren blokean beste hiru film labur aurkeztu dira eta hiruetako egileen hitzak entzuteko aukera izan da. El ángulo recto no existe-ren zuzendaria den Jon Zubimendik bere film laburra Gradu Amaierako Lana dela adierazi du, animaziozkoa eta gizakiaren eta espazioaren arteko harremana azaltzen saiatzen dela bertan: “Es una animación en la que trato de explicar la relación entre el espacio y el individuo, a través de una ley que dice que el ángulo recto tiene 90 grados y yo planteo que no tiene por qué ser así”.  Asier Iza, Precious Moments-eko zuzendariak film labur sinplea dela adierazi du: “ Corto muy sencillito, rodado en Jaizkibel y es la primera vez que veré el corto en pantalla grande así que con expectación”. Bigarren blokea El Divino film laburrarekin bukatu da, bere egilea den Sendoa Cardosok adierazi du Algortako pertsonaia tipiko bati buruzkoa dela: “Es un retrato documental de un personaje mítico de Algorta, algo muy íntimo donde intento reflejar cuál ha sido su filosofía de vida”.

Bukatzeko, hauek izan dira emanaldia ixteko proiektatu diren film laburrak: Anónimo, Si la oscuridad nos lleva eta Ulises. Hauetatik, Si la oscuridad nos lleva-ren zuzendaria den Mikel R. Alonso gerturatu da jaialdira eta esan duenez gordeta zeukan gozoki bat bezalakoa zen, azkenean laguntzarekin ateratzea lortu duena.

Proiekzio guztiak ikusi ostean, ikusleek haien botoa emateko aukera izan dute. Boto guztiak jaso ostean, sari banaketaren une zirraragarriari ekin zaio.

Honako hauek izan dira irabazleak:

Basque Culinary Saila

Ikusleen saria: WABI-SABI (Egoitz Ibargoitia)

Basque Culinary saria: Krispetak (Maite Bidarte eta Andoni Gartzia)

MU Ikasleen Saila

Ikusleen saria: Flash (Leire Goitia)

Dokumental Onenaren Saria: Trapu zaharrak (Imanol Eppherre eta Ion Garate)

Fikzio Onenaren Saria: Portrait (Iñaki Tena eta Mikel Uralde)

Sail Ofiziala

Ikusleen saria: Karta Astrala (Maite Bidarte eta Koldo Gartzia9

Vertigo saria: El Divino (Sendoa Cardoso)

Goiena Saria: Beti bezperako koplak (Ageda Kopla Taldea)  

Emozioz eta zirraraz bizi dute ikusle zein egileek sari banaketa. Sari banaketa bukatzean, jaialdiari amaiera borobila emateko lunch-a eta Mary May musika taldeaz gozatzeko aukera izan dute bertaratutako guztiek.

This slideshow requires JavaScript.

Advertisements
%d bloggers like this: