MU Ikasleen Saila

2018 MU IKASLEEN SAILA

OINARRIAK:

  1. Mondragon Unibertsitateko ikasleek (2017-2018 ikasturtean MUn matrikulatuak) egindako ikus-entzunezko lanak Huhezineman aurkezteko aukera izango dute.
  2. Hautaketan lehentasuna izango dute ikus-entzunezko ikasketen baitan taldetan egindako lanek (3. mailako proiektuak, Film laburra eta Dokumentala materietan).
  3. Ikasleek ekoitzitako bideoklipak, animazio lanak, erreportajeak zein bestelako ikus-entzunezkoak ere aurkeztu daitezke.
  4. Lanek gehienez 20 minutuko iraupena izango dute.
  5. Lanak bidaltzeko azken eguna: 2018ko otsailaren 9a.
  6. Jasotako lan guztien artean, batzorde batek hautaketa bat egingo du eta hautatutako lan horiek Aretxabaletako Arkupe Aretoko pantaila handian proiektatuko dira.

Sail honetako lanak Goiena Telebistan erakutsiko dira, film laburrei eskainitako saio berezi batean, 2018ko urritik aurrera. Bost emanalditarako eskubidea izango du eta egileei elkarrizteka egingo die.


  1. SARIAK honakoak izango dira:
  • Fikzio Onenaren Saria (*): 300 €
  • Dokumental Onenaren Saria (*): 300 €
  • Argazki Onenaren Saria (*): Ogeita4 enpresak 1.500€tan baloratutako kamera ekipamendua utziko dio irabazleari, euskarazko film labur bat egiteko, 2019ko Huhezineman aurkeztuko dena.
  • Mundukide Saria:  700 (hiru sailetan aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko du).
  • Ikusleen Saria: 100 €

(*) Epaimahai ofizialak emango ditu sariak.


  1. Sail honetan hautatuak izateko, Ikus-entzunezko Komunikazioa  Graduko 3. mailako Film laburra eta Dokumentala materietan egindako film laburrak ezin izango dira Huhezineman estreinatuak izan baino lehen online edo beste jaialdi batean aurkeztuak izan.

LANAK BIDALTZEKO

Lanak Huhezinema jaialdian aurkezteko bete izen-emate orri hau online eta bertan txertatu film laburra ikusteko Vimeo edo Youtube esteka eta beharrezko pasahitzak. Lana hautatua izanez gero, jaialdian proiektatzeko kalitate hobea duen kopia eskatuko da.


 

Datu Pertsonalak Babesteari buruzko abenduaren 13ko 15/1999 Lege Organikoan xedatzen dena betez, jakinarazten dizugu zure datu pertsonalak KONGRESUAK ETA JARDUNALDIAK fitxategian sartuta daudela eta horren helburua kongresu, mintegi eta jardunaldietan parte hartzen duten pertsona eta instituzio kolaboratzaileen datuen kudeaketa eta mantenimendua egitea eta etorkizuneko ekitaldien berri ematea dela. Datu horiek erakundeak sortzen dituen komunikazio tresnetan erabili ahalko dira eta komunikabideei laga ahalko zaizkie, goian zehaztutako helburuak betetzeko xedez. Fitxategia Datuak Babesteko Agentzian aitortu dugu eta datuen segurtasuna bermatzeko neurriak ezarri ditugu.

Fitxategi horien erantzulea HUMANITATE ETA HEZKUNTZA ZIENTZIEN FAKULTATEA da eta, horri dagokionez, hala nahi izanez gero, aipatutako Legean aurreikusitako sarbide, zuzenketa, ezeztapen eta aurkaritza eskubideak balia ditzakezu; horretarako lopd.huhezi@mondragon.edu e-mail helbidera eskaera bat bidali behar duzu NA edo nortasuna egiaztatzeko beste agiri batekin batera.

 

Harremanetarako: huhezinema@mondragon.edu

Advertisements
Advertisements
%d bloggers like this: