Tag Archives: huhezinema

Mondragon Unibertsitateko ikasleak Donostiako Zinemaldian epaimahaikide

Ikasturte berria hasi da eta urtero legez, Donostiako Zinemaldia ate joka dator. Eta hirugarren urtez gauzatuko da Zinemaldian baitan antolatzen den Zinema Ikasleen Nazioarteko Topaketaren eta Huhezinema jaialdiaren arteko lankidetza: hirugarren aldiz proiektatuko ditugu Huhezineman, Donostian saritutako nazioarteko ikasleen film laburrak.

Irailaren 25 eta 30 bitartean egingo da Zinema Ikasleen Nazioarteko XVI Topaketa Donostiako Zinemaldiaren baitan. Beste sari batzuez gain, Orona Saria emango da Topaketaren film labur berritzaileenari (5.000 euro). Mondragon Unibertsitateko Ikus-Entzunezko Komunikazioa graduko 5 ikaslek osatzen duten epaimahaiak izango du ardura hori, Iban del Campo irakasleak koordinaturik. Hautatutako ikasleak Andoni Imaz, Ibai Zabala, Irati Crespo, Imanol Eppherre eta Saioa Murua izan dira.

Mundu zabaleko zinema eskoletatik etorritako ikasleen topaketan epiamahikide bezala aritzea esperientzia aberasgarria izango da gure ikasleentzako. Film laburren emanaldi eta aurkezpenez gain, itzal handiko zinegilen master class eta hitzaldiekin osatuko da bost egunera luzatu den egitaraua.

Aurten proiektatuko diren film laburren eta master classen gaineko informazioa lotura honetan aurkituko duzu.

Goazen ba, nazioarteko zinema ikasleak egiten ari diren zinemarekin bidaiatzera.

 

Advertisements
Laburpen hitzak , , , , , ,

Huhezinemako film irabazleak Ordizian


<p><a href=”https://vimeo.com/173738655″>Beti bezperako koplak [Trailer]</a> from <a href=”https://vimeo.com/user12274024″>Kimuak</a&gt; on <a href=”https://vimeo.com”>Vimeo</a&gt;.</p>

Ekainak 15, arratsaldeko 7.30etan, Ordiziako Herri Antzokian.

Horra aurtengo hitzordua. Azken urteetan egin duguna bezala, Ordiziako Udalaren lankidetzari esker, Huhezinema 2017 jaialdiko film labur irabazleen emanaldia antolatu dugu.  Filmen emanaldiaren ondoren solasaldia ere egongo da hainbat film laburren egileekin (“Portratit” film laburreko Iñaki Tena; “Krispetak” eta “Karta Astrala” fimetako Maite Bidarte). Hauek izango dira Ordiziako pantaila erraldoian gozatu ahal izango dituzuen film laburrak:

10. Huhezinema Jaialdiko Palmaresa

Basque Culinary Saila

Ikusleen saria: WABI-SABI (Egoitz Ibargoitia)

Basque Culinary saria: Krispetak (Maite Bidarte eta Andoni Gartzia)

MU Ikasleen Saila

Ikusleen saria: Flash (Leire Goitia)

Dokumental Onenaren Saria: Trapu zaharrak (Imanol Eppherre eta Ion Garate)

Fikzio Onenaren Saria: Portrait (Iñaki Tena eta Mikel Uralde)

Sail Ofiziala

Ikusleen saria: Karta Astrala (Maite Bidarte eta Koldo Gartzia9

Vertigo saria: El Divino (Sendoa Cardoso)

Goiena Saria: Beti bezperako koplak (Ageda Kopla Taldea)  

 

 

Laburpen hitzak , , , , ,

Gaztambide gidoigintzaz

Michel Gaztambide eskarmentu handiko gidoilaria izan genuen joan den maiatzean Huhezineman gidoigintzari buruzko master class bat ematen. MU Telebistari eskerrak bideo hau editatzegatik!!!

Gaztambidek zinemarako lehendabiziko lana 1990ean egin zuen, gidoilari-kide gisa. Gaztambidek Julio Medem (Vacas, 1992) eta Enrique Urbizu (La caja 507, 2002, La vida mancha, 2003, No habrá paz para los malvados, 2011) zuzendariekin egin du lan gidoilari gisa eta Chatarra (Félix Rotaeta, 1991), Santa Cruz, el cura guerrillero (José María Tuduri, 1990), Un poco de chocolate (Aitzol Aramaio, 2008) eta El idioma imposible (Rodrigo Rodero, 2010) lanen gidoiak ere bereak dira.  2012an Donostiako Zinemaldian ekoizleen elkarteek euskal zinemagintzako pertsona ospetsu baten ibilbidea saritzeko ematen duten Zinemira Saria irabazi zuen.

Laburpen hitzak , , ,

Gaztambide gidoigintzaz Huhezineman

Aurtengo Huhezinema jaialdiko programazioari amaiera ezin hobea emateko, Michel Gaztambide arituko da gidoigintzaz datorren astean. Zazpigarren edizioko ekitaldi eta emanaldi gehienak martxoaren 26, 27 eta 28an egin dira eta Gaztambideren hitzaldia zor genizuen. Antolatzaileok ilusio eta plazer handiz prestatu dugu zazpigarren edizio honetako ekitaldi esanguratsuenetakoa, ikus-entzunezkoen arloan murgilduta dabiltzan profesional zein ikasleentzat aukera paregabea delakoan.

Hitzordua: Hitzaldi-mintegia maiatzaren 14an ospatuko da Huhezik (MU) Aretxabaletan duen Komunikazio Campus berrian, 10:30etatik 13:30etara.

Sarrera: doan eta publiko guztietarako irekia.

Michel Gaztambide

Michel Gaztambide

Gaztambidek zinemarako lehendabiziko lana 1990ean egin zuen, gidoilari-kide gisa. Gaztambidek Julio Medem (Vacas, 1992) eta Enrique Urbizu (La caja 507, 2002, La vida mancha, 2003, No habrá paz para los malvados, 2011) zuzendariekin egin du lan gidoilari gisa eta Chatarra (Félix Rotaeta, 1991), Santa Cruz, el cura guerrillero (José María Tuduri, 1990), Un poco de chocolate (Aitzol Aramaio, 2008) eta El idioma imposible (Rodrigo Rodero, 2010) lanen gidoiak ere bereak dira.  2012an Donostiako Zinemaldian ekoizleen elkarteek euskal zinemagintzako pertsona ospetsu baten ibilbidea saritzeko ematen duten Zinemira Saria irabazi zuen.

Laburpen hitzak , , ,

Hilabete bat geratzen da filmak bidaltzeko

Huhezinema euskal film laburren jaialdiaren 7. edizioan parte hartzeko asmoa baduzu, gorriz markatu agendan otsailaren 14a. Dagoeneko 45 film labur jaso ditugu!!! Horietako 43 Movibeta online plataformaren bitartez eta beste biak posta bidez.

003 Oraindik postaz lanen bat edo beste iristen zaigu. Argazkian aurten jaso dugun lehena.

Otsailaren 14a izango da 2014ko jaialdirako entolatu ditugun hiru lehiaketetan izena emateko azken eguna. Hemen dituzu lehiaketa bakoitzean parte hartzeko oinarriak:

SAIL OFIZIALA

MU IKASLEEN LEHIAKETA

BCC LEHIAKETA (MU IKASLEAK)

Joan den asteburuan jaialdiari buruzko informazioa argitaratu dute hainbat komunikabidek:

GAZTEZULO

GOIENA

NOTICIAS DE GIPUZKOA

Zuen film laburrak ikusteko irrikitan gaude!!!

Laburpen hitzak

Euskarazko film labur onena, Ekaitza

Aurtengo Huhezinemak Euskarazko Film Onenaren Saria (Goiena Saria) jaso du Alberto Gastesi zuzendari donostiarraren Ekaitza lanak. Loreto Mauleonek eta Aitor Beltranek egin dituzte aktore lanak. Gainera, Huhezinemako sari-banaketa ekitaldira bertaratu zen Mauleon, Gastesirekin batera.

Neguko goiz euritsu eta hotz batean, biak gurutzatzen dira Donostiko hondartzetan, zubietan eta kaleetan. Erakarrita sentitu eta elkar jarraitzen ari direla dirudi, baina iraganeko zerbait ezkutatzen dute biek… Hemen film laburra:

Laburpen hitzak , , , ,

Huhezinemak baditu irabazleak

This slideshow requires JavaScript.

10 film labur finalisten emanaldiarekin eman zitzaion atzo Huhezinema 2012 jaialdiari itxiera. Aretxabaleta Arkupe Kultur Etxean egin zen proiekzioa eta sari banaketa ekitaldia eta bertan egon ziren film labur finalisten hainbat zuzendari. Alberto Gastesi, Ekaitza eta Istmo film laburren zuzendaria Loreto Mauleonekin, Ekaitza film laburreko aktoresarekin etorri zen. Haritz Zubillaga She´s lost control filmaren egilea, Aitor Enerizekin izan zen, azken lan honetan gidoia idazten lagundu diona. Gregorio Muro baita ere bi film labur ordezkatzen egon zen, Zeinek gehiago iraun animaziozko lana eta Por los camareros fikziozko komedia, azken hau Javier Etxanizekin batera zuzendutako lana. Garaipena film laburra ordezkatzen Esteban Ramos zuzendaria egon zen. Superzebraman ordezkatzen Imanol Reta ekoizlea izan genuen. Azkenik, No sé qué hacer contigo filma ordezkatzen Juan Manuel Martínez izan genuen.

Huhezi fakultateko hainbat ikus-entzunezko ikasle eta irakasle ere bai bertan izan ziren, batzuk antolakuntzan laguntzen, beste batzuk sariak jasotzen eta besteak film laburrak ikusten. Sari banaketaren aurkezpen lanak Ainhoa Vitoria eta Xabi Unanuek, Gaztea irratiko esatariek egin zituzten. Sariak banatzeko aurtengo epaimahaikide izan diren Maialen Sarasua eta Beñat Sarasola igo ziren taulara, aurtengo babesle nagusi izan diren Eikeneko zuzendaria, Itziar Mena eta Marta Madinabeitia, Kutxabankeko mendebaldeko zuzendari komertzialarekin batera. Ohiane Agirre, Goiena telebistako programazio zuzendariak Goiena saria eman zuen. Ander Olabe antolakuntzako ikasleak eta Iban del Campok, Huhezinemako koordinatzaileak ere bai sari bana eman zituzten.

Aitor Gutierrez epaimahaikidea ere bai gurekin izan zen Huhezinemako azken egunean. Kimuak egitasmoan lanean dihardun Esther Cabero baita gurekin izan zen sari banaketan eta talisman ona izan zen aurtengo Kimuak katalogoko film laburrentzat. Atzoko ekitaldian banatu ziren zortzi sarietatik, hiru Kimuakeko film laburrentzat izan ziren. Aurtengo saria klaketa batean gorpuztu dugu eta zortzi klaketa banatu ziren atzo. Publikoak emandako hiru sariak eta kartel lehiaketaren irabazleak, Pates Zubiak eskeinitako saski eder bana eraman zituzten etxera.

Jarraian, Huhezinema 2012ko palmaresa:

Sail ofiziala

  • Euskarazko film labur onena (Goiena saria): Ekaitza (Alberto Gastesi), 1.000 euro.
  • Film labur onena: She’s lost control (Haritz Zubillaga), 600 euro.
  • Ekoizpen onena (Eiken saria): She’s lost control (Haritz Zubillaga, Morituri), Urtebeteko Eiken bazkidetza kuota.
  • Publikoaren saria (Kutxa saria): Zeinek gehiago iraun (Gregorio Muro), 400 euro eta Pates Zubia saskia.

Ikasleen lehiaketa

  • Film labur dokumental onena (publikoaren saria): Maskarak (Ander Bolibar, Ariane Irazusta, Miren Ormazabal eta Oihan Vitoria), Pates Zubia saskia.
  • Fikziozko film labur onena (publikoaren saria): Ohartxoak (Izaskun Fdz. de Arroyabe, Maitane Serrano, Monika Juaristi, Josu Badiola, Lander Irazola eta Julene Franzesena), Pates Zubia saskia.
  • Film labur onena (epaimahaiaren saria): Maskarak. 500 euro.

Kartel lehiaketa

  • Huhezinema kartel onena: Beñat Flores. Pates Zubia saskia.
Laburpen hitzak , , ,

Huhezinemak Eiken Saria emango du!

         Eikenbank 2011ko sari banaketa ekitaldia.

Eiken, Euskadiko Ikus-entzunezkoen Klusterra, aurtengo Huhezinema jaialdiko babesle nagusietako bat izango da, Aretxabaletako Udalarekin eta Kutxarekin batera. Horren ondorioz, Eiken Saria banatuko da aurtengo Huhezineman aurreneko aldiz. Eiken Sari hori, hau da, Ekoizpen Onenaren Saria, nori eman epaimahai ofizialak erabakiko du.

Eiken saria jasotzen duen filmaren ekoizleak Eikeneko bazkide izateko urtebeteko kuota jasoko du. Hau da, kuota ordainduta izango du datorren urtean eta abantailak jasoko ditu beste edozein bazkideren gisan. Sari honen helburua da, mundu profesionalean erabat sartuta ez dauden ekoizleei, hara jauzi egiten laguntzea.

Bestalde, Huhezinemako ikasleen lehiaketa irabazten duen taldeak (epaimahai ofizialak emandako saria) aurtengo EikenBANKeko sari-banaketa ekitaldira joateko gonbita jasoko du, eta film labur horrek EikenBANKeko aipamen berezia eta ‘Face to Face’-an parte hartzeko aukera izango ditu.

Laburpen hitzak ,

Huhezinemako finalistak!!!

Hauek dira Huhezinema 2012ko finalistak. Zorionak finalistei eta milesker guztioi jaialdian parte hartzeagatik. Laster programazioari buruzko xehetasun gehiago.

_________________________________________________________________________________

Éstos son los finalistas del festival Huhezinema 2012. Felicidades y mil gracias a todos los participantes. En breve, más detalles sobre la programación del festival.

Ekaitza (Alberto Gastesi), Ismalia (Xabier Cereceda-Hoz), Zeinek gehiago iraun (Gregorio Muro), Superzebraman (Javier Urtasun), Istmo (Alberto Gastesi), Dicen (Alauda Ruiz de Azua), Garaipena (Esteban Ramos), No se qué hacer contigo (Miguel Campión), She’s lost control (Haritz Zubillaga), Por los camareros (Javier Etxaniz-Gregorio Muro).

This slideshow requires JavaScript.

Laburpen hitzak , ,
%d bloggers like this: