Tag Archives: sariak

11. Huhezineman film laburrak aurkezteko epea irekita!

Aurtengo berrikuntza nagusiak, Mundukide saria eta Argazki Onenaren saria. 5.000 euro banatuko ditugu saritan!!!!

Huhezinema Euskal Film Laburren Jaialdiaren 11. edizioa egingo da 2018eko martxoaren 21etik 23ra bitartean Aretxabaletako Arkupe kultur etxean.

Jaialdiako hiru sailetan parte hartzeko oinarriak prest daude daude: Sail Ofiziala, MU Ikasleen Saila eta Kutixi Saila. Filmak bidaltzeko epea 2018eko otsailaren 9ra arte egongo da zabalik eta dagoeneko kontsulta daitezke sail bakoitzaren oinarriak Huhezinemako webgunean: www.huhezinema.com

Berrikuntzekin dator jaialdia, Mondragon Unibertsitateko Ikus-entzunezko Komunikazioko hamahiru ikaslek osatzen dute lan talde berria eta Iban del Campo irakasleak gidatuko ditu prestakuntzan, urtero bezala. Aurten 5.000€ banatuko ditugu sarietan, hiru sail desberdinetan.

Sail desberdinen oinarrietan azaltzen den bezala, edizio honetan bi berrikuntza nagusi daude, horietako bat Mundukide Saria​ dena. Aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko da honetan. Sari honen irabazleak 700 euro lortuko ditu.

Bestetik, MUko Ikasleen Sail​ean hautatutako film laburren artean Argazkigintza Onena​ sarituko da 1.500€​tan baloratutako kamera ekipamenduaren maileguarekin, Zarautzko Ogeita4 Camera Solution enpresaren eskutik.

Jasotako film labur guztien artean Aukeraketa Batzordeak 10 film labur aukeratuko ditu jaialdiaren Sail Ofiziala​ osatzeko. Hamar hauetako bakoitzak  200€ jasoko ditu hautatua izateagatik. Hamar film hauek, beste lau sari hauen lehian arituko dira:

SAIL OFIZIALA

– Goiena Saria​ ​ : 1000€ ​ ​(Epaimahai Ofizialak emango du saria): Euskarazko film onena​ sarituko da.

-Mundukide Saria:  700€  (hiru sailetan aurkeztutako film laburren artean Giza Eskubideak eta Justizia Sozialaren gaiak egokien txertatuta dituen film labur onena sarituko du).

– Vertigo Saria​: 400€ ​(Mondragon Unibertsitateko ikasleek osatutako epaimahai batek emango du saria). Diru laguntza publikorik gabe ekoiztutako eta banatutako filma izan beharko da.

– Ikusleen Saria​: 300€

MU IKASLEEN SAILA

-Fikzio Onenaren Saria: 300 €

-Dokumental Onenaren Saria: 300 €

-Argazki Onenaren Saria: Ogeita4 enpresak 1.500€tan baloratutako kamera ekipamendua utziko dio irabazleari, euskarazko film labur bat egiteko, 2019ko Huhezineman aurkeztuko dena.

-Ikusleen Saria: 100 €

KUTIXI SAILA

-Basque Culinary Saria: 400 €

-Ikusleen saria: 100€
Ikusten duzuen bezala, Huhezinemaren hurrengo edizioa abian dago eta gose. Orain zuen txanda da, hainbeste izerdi eta ilusioarekin egindako film labur horiek bidaltzeko. Zorte on denori!

 

 

 

Advertisements
Laburpen hitzak , , , ,

Huhezinemako film irabazleak Ordizian


<p><a href=”https://vimeo.com/173738655″>Beti bezperako koplak [Trailer]</a> from <a href=”https://vimeo.com/user12274024″>Kimuak</a&gt; on <a href=”https://vimeo.com”>Vimeo</a&gt;.</p>

Ekainak 15, arratsaldeko 7.30etan, Ordiziako Herri Antzokian.

Horra aurtengo hitzordua. Azken urteetan egin duguna bezala, Ordiziako Udalaren lankidetzari esker, Huhezinema 2017 jaialdiko film labur irabazleen emanaldia antolatu dugu.  Filmen emanaldiaren ondoren solasaldia ere egongo da hainbat film laburren egileekin (“Portratit” film laburreko Iñaki Tena; “Krispetak” eta “Karta Astrala” fimetako Maite Bidarte). Hauek izango dira Ordiziako pantaila erraldoian gozatu ahal izango dituzuen film laburrak:

10. Huhezinema Jaialdiko Palmaresa

Basque Culinary Saila

Ikusleen saria: WABI-SABI (Egoitz Ibargoitia)

Basque Culinary saria: Krispetak (Maite Bidarte eta Andoni Gartzia)

MU Ikasleen Saila

Ikusleen saria: Flash (Leire Goitia)

Dokumental Onenaren Saria: Trapu zaharrak (Imanol Eppherre eta Ion Garate)

Fikzio Onenaren Saria: Portrait (Iñaki Tena eta Mikel Uralde)

Sail Ofiziala

Ikusleen saria: Karta Astrala (Maite Bidarte eta Koldo Gartzia9

Vertigo saria: El Divino (Sendoa Cardoso)

Goiena Saria: Beti bezperako koplak (Ageda Kopla Taldea)  

 

 

Laburpen hitzak , , , , ,

Huhezineman film laburrak aurkezteko epea ireki da

57-frame2_Bere bizitzetako bat (Una de sus vidas)

2016ko Huhezineman Goiena Saria irabazi zuen “Bere bizitzetako bat” filmaren fotograma.

Huhezinema Euskal Film Laburren jaialdiko 10. aldia 2017ko martxoaren 28 eta 31 bitartean egingo da Aretxabaletako Arkupe aretoan eta, jaialdia abian jartzeko, irekita daude jada jaialdiko hiru sailak. Zuen film laburren zai gaude!!!!

Sail Ofizialeko, Basque Culinary saileko eta MUko ikasleen saileko lanak bidaltzeko epeak zabalik daude, eta 2017ko otsailaren 16ra arte bidali ahal izango dira ikus-entzunezkoak.

Aurten hainbat aldaketa dakartza jaialdiak, beraz, ondo irakurri sail bakoitzaren oinarriak gure webgunean!

  • Goiena sariak euskarazko film labur onena sarituko du, eta aurten dirusari handiagoa banatuko dugu. Horrez gain, Ogeita4 Camera Solution enpresak 1.500€tan baloratutako kamera ekipamendua utziko dio irabazleari, 2018ko Huhezineman aurkeztuko den euskarazko film bat egiteko.
  • Lanak aurkezteko prozesua erraztu eta merketu nahi diegu aurten egileei, eta Vimeo edo Youtube esteken bitartez soilik jasoko ditugu aurten filmak. Izen ematea erabat doakoa izango da beraz.

Jaialdi borobila egiteko borondatea dugu, eta jada lan eta lan ari gara hori posible egiteko!

Laster albiste gehiagorekin itzuliko gara.

Ez utzi azken egunerako filmen bidalketa eta zorte on!

Laburpen hitzak , , , , ,

Mexiko eta Argentinara sariak

Blog honetako azken sarreran esan genuen bezala, Ikus-Entzunezko Komunikazioa Graduko hainbat lagunek hirugarren urtez parte harte dugu Donostiako Zinemaldian egiten den Zinema Ikasleen Nazioarteko Topaketan. Iban del Campo irakasleak bost euskal ikaslez osatutako epaimahaia koordinatu du eta Orona Saria eman diote topaketan hautatuko film labur berritzaileenari. MUko Garikoitz Rivera, Idoia Dávila eta Nekane Muñoz, eta Andoaineko Escivi eskolatik Ane Iturralde eta Egoitz Albizu izan dira aurtengo epaimahaia osatu duten ikasleak.

Eta irabazlea izan da…

Narratiba klasikotik aldenduz, irudia, soinua eta denboraren tratamendu berritzaile baten bidez oroitzapenen argazki bat egiten duelako

24º 51’ Latitud NorteCarlos Lenin Treviño-rena
Centro Universitario de Estudios Cinematográficos CUEC – UNAM (Mexiko)

Aipamen nominala:

A quien corresponda, Valeria Fernández-ena
Universidad del Cine (Argentina)

Orona Sariarekin laburmetraiaren zuzendariak 5.000€ gordin jaso ditu.

Plazer bat izan da mundu osoko zinema eskoletako ikasleekin eta euren film laburrekin egun hauek konpartitzea. Dagoeneko lanean gaude 2017ko Huhezinema jaialdian nazioarteko film hauetako batzuk gurean aurkezteko.

Adi egon!

Laburpen hitzak , , , ,

Euskarazko film labur onena, Ekaitza

Aurtengo Huhezinemak Euskarazko Film Onenaren Saria (Goiena Saria) jaso du Alberto Gastesi zuzendari donostiarraren Ekaitza lanak. Loreto Mauleonek eta Aitor Beltranek egin dituzte aktore lanak. Gainera, Huhezinemako sari-banaketa ekitaldira bertaratu zen Mauleon, Gastesirekin batera.

Neguko goiz euritsu eta hotz batean, biak gurutzatzen dira Donostiko hondartzetan, zubietan eta kaleetan. Erakarrita sentitu eta elkar jarraitzen ari direla dirudi, baina iraganeko zerbait ezkutatzen dute biek… Hemen film laburra:

Laburpen hitzak , , , ,

Huhezinemak baditu irabazleak

This slideshow requires JavaScript.

10 film labur finalisten emanaldiarekin eman zitzaion atzo Huhezinema 2012 jaialdiari itxiera. Aretxabaleta Arkupe Kultur Etxean egin zen proiekzioa eta sari banaketa ekitaldia eta bertan egon ziren film labur finalisten hainbat zuzendari. Alberto Gastesi, Ekaitza eta Istmo film laburren zuzendaria Loreto Mauleonekin, Ekaitza film laburreko aktoresarekin etorri zen. Haritz Zubillaga She´s lost control filmaren egilea, Aitor Enerizekin izan zen, azken lan honetan gidoia idazten lagundu diona. Gregorio Muro baita ere bi film labur ordezkatzen egon zen, Zeinek gehiago iraun animaziozko lana eta Por los camareros fikziozko komedia, azken hau Javier Etxanizekin batera zuzendutako lana. Garaipena film laburra ordezkatzen Esteban Ramos zuzendaria egon zen. Superzebraman ordezkatzen Imanol Reta ekoizlea izan genuen. Azkenik, No sé qué hacer contigo filma ordezkatzen Juan Manuel Martínez izan genuen.

Huhezi fakultateko hainbat ikus-entzunezko ikasle eta irakasle ere bai bertan izan ziren, batzuk antolakuntzan laguntzen, beste batzuk sariak jasotzen eta besteak film laburrak ikusten. Sari banaketaren aurkezpen lanak Ainhoa Vitoria eta Xabi Unanuek, Gaztea irratiko esatariek egin zituzten. Sariak banatzeko aurtengo epaimahaikide izan diren Maialen Sarasua eta Beñat Sarasola igo ziren taulara, aurtengo babesle nagusi izan diren Eikeneko zuzendaria, Itziar Mena eta Marta Madinabeitia, Kutxabankeko mendebaldeko zuzendari komertzialarekin batera. Ohiane Agirre, Goiena telebistako programazio zuzendariak Goiena saria eman zuen. Ander Olabe antolakuntzako ikasleak eta Iban del Campok, Huhezinemako koordinatzaileak ere bai sari bana eman zituzten.

Aitor Gutierrez epaimahaikidea ere bai gurekin izan zen Huhezinemako azken egunean. Kimuak egitasmoan lanean dihardun Esther Cabero baita gurekin izan zen sari banaketan eta talisman ona izan zen aurtengo Kimuak katalogoko film laburrentzat. Atzoko ekitaldian banatu ziren zortzi sarietatik, hiru Kimuakeko film laburrentzat izan ziren. Aurtengo saria klaketa batean gorpuztu dugu eta zortzi klaketa banatu ziren atzo. Publikoak emandako hiru sariak eta kartel lehiaketaren irabazleak, Pates Zubiak eskeinitako saski eder bana eraman zituzten etxera.

Jarraian, Huhezinema 2012ko palmaresa:

Sail ofiziala

  • Euskarazko film labur onena (Goiena saria): Ekaitza (Alberto Gastesi), 1.000 euro.
  • Film labur onena: She’s lost control (Haritz Zubillaga), 600 euro.
  • Ekoizpen onena (Eiken saria): She’s lost control (Haritz Zubillaga, Morituri), Urtebeteko Eiken bazkidetza kuota.
  • Publikoaren saria (Kutxa saria): Zeinek gehiago iraun (Gregorio Muro), 400 euro eta Pates Zubia saskia.

Ikasleen lehiaketa

  • Film labur dokumental onena (publikoaren saria): Maskarak (Ander Bolibar, Ariane Irazusta, Miren Ormazabal eta Oihan Vitoria), Pates Zubia saskia.
  • Fikziozko film labur onena (publikoaren saria): Ohartxoak (Izaskun Fdz. de Arroyabe, Maitane Serrano, Monika Juaristi, Josu Badiola, Lander Irazola eta Julene Franzesena), Pates Zubia saskia.
  • Film labur onena (epaimahaiaren saria): Maskarak. 500 euro.

Kartel lehiaketa

  • Huhezinema kartel onena: Beñat Flores. Pates Zubia saskia.
Laburpen hitzak , , ,
Advertisements
%d bloggers like this: